Алматы облысында алиментке 2,7 млн қарыз азамат қамауға алынды
Алматы облысында Балқаш аудандық сотының шешімімен алимент төлеуден жалтарған азамат әкімшілік қамауға алынды.
Фото: ШҚО ПД баспасөз қызметі
10:20 22.11.2024
Сот мәліметіне сәйкес, 2023 жылы сот шешімімен азамат Т. бұрынғы жұбайының пайдасына үш ортақ кәмелетке толмаған балаларының асырауына алимент төлеуге міндетті болған. Алайда, Т. бұл сот шешімін орындамаған және соның салдарынан 2,7 миллион теңге көлемінде берешек пайда болған.
Алматы облысының Балқаш аудандық сотында сот шешімінде көзделген міндеттемелерді орындамау фактісі бойынша әкімшілік құқық бұзушылық туралы іс қозғалды.
- ҚР ӘҚБтК 669-бабы 1-бөлігінің санкциясы жеке тұлғаларға 5 АЕК мөлшерінде айыппұл немесе 5 тәулікке дейінгі мерзімге әкімшілік қамаққа алу түрінде жаза көздейді. Сот қаулысымен азамат Т. ҚР ӘҚБтК-нің 669-бабы 1-бөлігінде көзделген әкімшілік құқық бұзушылық жасағаны үшін кінәлі деп танылды және оған 3 тәулік мерзімге әкімшілік қамаққа алу түріндегі жаза тағайындалды, - деп хабарлады Балқаш аудандық сотының баспасөз қызметі.
Сот шешімі заңды күшіне енді.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
Серіктестер жаңалықтары
