«6 адам зардап шекті». Алматыда автобус пен тепловоз соқтығысты
Алматыда қоғамдық көлік пен пойыз соқтығысты. Оқиға салдарынан 6 жолаушы жарақат алды.
Фото: Almaty_my телеграм арнасы
13:15 26.11.2024
Алматы қаласы Полиция департаментінің мәліметіне сәйкес, жол-көлік оқиғасы сағат 11:40–та Алмалы ауданында болған.
— Жеке тасымалдаушыға тиесілі № 88 автобус Әуезов көшесімен солтүстік бағытта келе жатып, Гоголь көшесінің солтүстігінде батысқа қарай темір жолмен келе жатқан тепловозбен соқтығысты. Жол апаты салдарынан қоғамдық көліктің 6 жолаушысы зардап шекті. Оларға медициналық көмек көрсетілді. Оқиғаның басқа да мән-жағдайлары анықталып жатыр, — деп хабарлады қалалық ПД баспасөз қызметі.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
