Өскеменде қолайсыз метеорологиялық жағдайға байланысты оқушылар онлайн оқиды
Өскемен қаласында қолайсыз метеорологиялық жағдайға байланысты 28 қарашада оқушылар мектепке бармайды.
16:42 27.11.2024
Қалалық білім бөлімінің мәліметіне сүйенсек, 28 қарашада 1-11 сынып оқушылары онлайн форматқа ауыстырылады.
«Бұндай шешімге екінші дәрежелі қолайсыз метеорологиялық жағдайдың қалыптасуы себеп болып отыр», - делінген ақпаратта.
Екінші ауысымда оқитын балалар да қазір үйлеріне қайтарылып жатыр.
Айта кетейік, Өскеменде 23 қарашадан бері қолайсыз метеорологиялық жағдай қалыптасқан.
Дереккөз: Kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
