Алматыда Бұқар жырау бульварының бір бөлігінде көлік қозғалысы шектеледі
Бұқар жырау бульварының учаскелерінде көлік қозғалысы шектеледі. Бұл туралы «QazaqGaz Aimaq» АҚ Алматы өндірістік филиалының баспасөз қызметі хабарлады.
Фото: Виктор Федюнин/Kazinform
20:18 29.11.2024
Атап айтқанда, 30 қараша сағат 7:00-ден 2 желтоқсан 06:00-ге дейін Бұқар жырау бульвары мен Байзақов көшесі қиылысының оңтүстік бөлігінде, сондай-ақ Бұқар жырау бульвары бойында Байзақов көшесінен Есентай өзеніне дейінгі бөлігінде көлік қозғалысы шектеледі.
Аталған аумақта газ құбырын ауыстыру жұмыстары жүргізіліп жатыр. Жароков көшесінен Бұқар жырау бульвары бойымен Есентай өзеніне дейінгі жерасты газ құбыры 1972 жылы пайдалануға берілген. Жалпы ұзындығы – 1 766,9 м.
«Жұмыс аяқталғаннан кейін іргелес аумақты абаттандыру және асфальт төсемін қалпына келтіру жұмыстары жүргізіледі», - деп хабарлады «QazaqGaz Aimaq» АҚ Алматы өндірістік филиалынан.
Дереккөз: Kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
