Алматы облысында белгіленбеген жерден өткен жаяу жүргінші қайтыс болды
Алматы облысы Жамбыл ауданында жол апатынан жаяу жүргінші мерт болды.
12:06 02.12.2024
Полиция мәліметіне сәйкес, Toyota Alphard жүргізушісі «Алматы-Бішкек» автожолының 57 шақырымында жолды белгіленбеген жерден кесіп өткен жаяу жүргіншіні қағып кеткен. Алған жарақаттарынан ер адам оқиға орнында қайтыс болды.
"Жол-көлік оқиғасы фактісі бойынша қылмыстық іс тіркеліп, апаттың мән-жайы анықталып жатыр. Осы деректі ескере отырып, жаяу жүргіншілерге жол ережелерін сақтаудың маңыздылығын тағы да еске саламыз. Қауіпсіздікті қамтамасыз ете отырып, жолдың жүріс бөлігін тек белгіленген жерлерде кесіп өтіңіз. Түнде жүргізушілерге көріну үшін киімге немесе аксессуарларға шаммен шағылыстыратын элементтерді қолданыңыз", - деп хабарлады облыстық полиция.
Дереккөз: Kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
