Желтоқсанда ауа райы қандай болады – синоптиктер болжамы

Желтоқсанда Қазақстанның басым бөлігінде қар, бұрқасын, екпінді жел, ал оңтүстік бөлігінде жаңбыр және қар аралас жаңбыр, таулы және тау етегіндегі аудандарда қар жаууы ықтимал. Елдің батысы мен оңтүстігінде көктайғақ болып, тұман түседі.

«Қазгидромет» РМК консультативтік болжамына сәйкес, айдың бірінші онкүндігінде температуралық фон келесідей бөлінеді:

* республиканың солтүстігінде, орталығында және шығысында түнде -10-18°С-тан -3-10°С-қа дейін, күндіз 0, -8°С-тан -3+5°С-қа дейін ауытқулар болжанған;

* республиканың оңтүстігі мен оңтүстік-шығысында түнде -5+5°С-тан -1-8°С-қа дейін, республиканың оңтүстік-шығысындағы таулы аймақтарда температураның -10-15°С, күндіз күндіз -5+5°С-тан +5+12°С-қа дейін ауытқуы болжанған;

* республиканың батысында ауаның негізгі фондық температурасы түнде -1-8°C, Каспий теңізі жағалауында +3°C, күндіз +1+8°C болады. Онкүндіктің соңында ауа температурасы күндіз -5+3°С дейін төмендейді деп болжануда.

Солтүстік-батыс және солтүстік антициклондар ауа температурасының айтарлықтай төмендеуіне әкелетін күндер де болады.

Желтоқсанның екінші және үшінші онкүндігінде ауа температурасының ауытқуы жиі байқалады.

Жалпы, желтоқсан айында республика бойынша температуралық фон климаттық нормаға жақын, жауын-шашын мөлшері республиканың басым бөлігінде нормадан жоғары болады деп болжанып отыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!