Шымкентте жол үстінде төбелескен жүргізушілерге қатысты қылмыстық іс қозғалды
Шымкентте көлік жүргізушілері арасындағы төбелеске ұласқан жол кикілжіңіне қатысты қылмыстық іс қозғалды.
Фото: видеодан алынған скрин
12:16 04.12.2024
Жол үстінде төбелескен жастардың әрекеті әлеуметтік желіде кеңінен тарап кетті. Жанжал нәтижесінде жүргізушілердің бірі дене жарақатын алған. Қалалық полиция департаментінің бастығы Нұрлан Алмасбеков аталған оқиғаға қатысты қылмыстық іс тіркелгенін жеткізді. Қазіргі таңда тергеу әрекеттері жүріп жатыр.
«Ешбір құқық бұзушылық жазасыз қалмайды. Қала тұрғындарын қоғамдық қауіпсіздікті нығайту мақсатында құқық бұзушылықтарға нөлдік төзімділікпен қарауға шақырмын», - деді Нұрлан Алмасбеков.
Полиция полковнигі азаматтардың қауіпсіздігін нығайту үшін заңмен кез келген зорлық-зомбылық үшін жауапкершілік күшейтілгенін, денсаулыққа қасақана жеңіл зиян келтіру және ұрып-соғу қылмыстық құқық бұзушылыққа жататынын еске салды.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
