Ақмола облысында мүгедек балаларға бөлінген қаражат жымқырылған
Прокуратура мүгедек балаларға арналған қаражаттың жымқырылғанын анықтады.
Фото: istockphoto.com
18:16 04.12.2024
Бұл туралы Ақмола облысы прокуратурасы хабарлады.
«Көкшетау қаласының прокуратурасы «Artsport» және «DamuBala» бағдарламалары аясында балаларға, соның ішінде мүмкіндігі шектеулі балаларға арналған спорт секцияларына бөлінген бюджет қаражатын жымқырудың қылмыстық схемаларын анықтады. Атап айтқанда, Көкшетау қаласы бойынша мемлекеттік тапсырыстарды жеткізушілердің бірі секцияларға мүлдем қатыспаған балаларға орындалған жұмыстардың актілерін ұсынды. Осыған орай, қала прокуратурасы алаяқтық фактісі бойынша қылмыстық іс қозғап, сотқа дейінгі тергеу жүргізілуде», — делінген прокуратура хабарламасында.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
