Алматылықтардың орташа жалақысы – 470 мың теңге
Алматылықтардың орташа айлық жалақысы 6,1 пайыз өсті. Бұл туралы қалалық Экономика басқармасының басшысы Дастан Өмірбаев мәслихат сессиясында айтты.
Фото: istockphoto.com
15:13 06.12.2024
"Қарашада жылдық инфляция Алматы қаласында 9,0 пайызға дейін баяулады. Жыл қорытындысы бойынша инфляция 8,5%-ға, ал 2025 жылы инфляцияның 7,5 пайызға дейін төмендеуі мүмкін", - деді ол.
Айтуынша, Алматыда орташа айлық 6,1 пайызға өсіп, 470 мың теңгеге жетті.
"Қала экономикасының алдағы 5 жылға орташа жылдық өсу қарқыны 5,8% деңгейінде болжанады. Бұл Алматының жалпы өңірлік өнімінің көлемін осы жылғы 28,2 трлн теңгеден, 2029 жылы 47,4 трлн теңгеге дейін ұлғайтуға мүмкіндік береді. Жалпы, осы жылы қала экономикасының өсімі 5,5% деңгейінде күтілуде. 2025 жылы экономикалық өсім 6,4 пайызға жетеді", – деді басқарма басшысы.
Дереккөз: Kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
