Бокстан Азия чемпионаты: Әйгерім Сәттібаева қола жүлдегер атанды
Таиланд корольдігінің Чиангмай қаласында бокстан ерлер және әйелдер арасында өтіп жатқан Азия чемпионатында Қазақстаннан алғашқы болып Әйгерім Сәттібаева жартылай финалдық жекпе-жегін өткізді.
Фото: Спортты дамыту дирекциясы
12:40 07.12.2024
Ә.Сәттібаева 48 келіге дейінгі салмақта өзбекстандық Фарзона Фозиловамен шеберлік байқасты. Екі боксшы да аянып қалған жоқ. Төрешілер шешімімен жеңіс өзбекстандық спортшыға берілді - 4:1.
Осылайша, ұзақ жылғы үзілістен кейін спортқа қайта оралған бес баланың анасы, белгілі боксшы Олжас Сәттібаевтың зайыбы Әйгерім қола жүлдені қанағат тұтты. Бұл - оның спорттық жолындағы Азия чемпионатында алған екінші қола медалі.
Дереккөз: Kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
