Қазақстанда тұрғын үйлерде жылу энергиясын тұтынуға мониторинг жүргізілетін болады

Жаңа немесе өзгерген (кеңейту, жаңғырту, техникалық қайта жарақтандыру, реконструкциялау, күрделі жөндеу) тұрғын және тұрғын емес үй-жайлар"Үйлердің, құрылыстардың, ғимараттардың және олардың қоршау конструкцияларының бірі бөлігі болып табылатын элементтерінің энергия тиімділігі жөніндегі талаптарды белгілеу туралы" Қазақстан Республикасы Инвестициялар және даму министрінің 2015 жылғы 31 наурыздағы № 406 бұйрығымен белгіленген (Нормативтік құқықтық актілерді мемлекеттік тіркеу тізілімінде №11378 болып тіркелген) энергия үнемдеу және энергия тиімділігін арттыру жөніндегі талаптарға сәйкес келуі тиіс.

Тұрғын және тұрғын емес үй-жайлар объектісінің энергетикалық ресурстарын тиімді пайдалану, энергия үнемдеу және энергия тиімділігін арттыру мүмкіндіктерін анықтау үшін мүлік иелері бірлестігінің төрағасы немесе жай серіктестіктің сенім білдірілген тұлғасы не басқарушы не басқарушы компания не пәтерлердің, тұрғын емес үй-жайлардың барлық меншік иелері жылу энергиясын тұтынудың тұрақты мониторингін жүзеге асырады.

Жылу энергиясын тұтыну мониторингі жылу энергиясын коммерциялық есепке алу аспаптарымен жарақтандырылған тұрғын және тұрғын емес үй-жайларда жүргізіледі және жылу энергиясын тұтынуды мерзімді (ай сайынғы) тіркеуге және нәтижелері осы Тәртіпке 1-қосымшаға сәйкес нысан бойынша ресімделетін аптадағы сыртқы ауаның орташа температурасын өлшеуге негізделеді.

Коммерциялық есепке алу аспаптары болмаған жағдайда, жылу энергиясын тұтыну нормаларын есептеу аспаптары жоқ тұтынушылар үшін электрмен жабдықтау бойынша коммуналдық қызметтерді және коммерциялық есепке алу аспаптары жоқ тұтынушылар үшін жылу энергиясын сату бойынша коммуналдық қызметтерді тұтыну нормаларын есептеудің үлгілік қағидаларына сәйкес жүзеге асырылады.

Жылу энергиясын тұтынуды ай сайын тіркеу жылу энергиясын және сыртқы ауаның температурасын тұтыну көрсеткіштері бойынша әр айдың 10-нан кешіктірілмей жүзеге асырылады.

Жылу энергиясын тұтыну мониторингінің нәтижелері туралы ай сайынғы есепті мүлік иелері бірлестігінің төрағасы немесе жай серіктестіктің сенім білдірілген тұлғасы не басқарушы не басқарушы компания жиналыста айқындалған жалпыға қолжетімді жерде орналастырады және осы Тәртіпке 2-қосымшаға сәйкес нысан бойынша жасалады және айдағы заттай да, ақшалай түрде де жылу энергиясын тұтыну туралы деректерді, сондай-ақ нормадан ауытқудың ықтимал себептері туралы деректерді қамтиды.

Жылыту маусымында жылу энергиясын тұтыну нормасынан асып кеткен кезде мүлік иелері бірлестігінің төрағасы немесе жай серіктестіктің сенім білдірілген тұлғасы не басқарушы не басқарушы компания не пәтерлердің, тұрғын емес үй-жайлардың барлық меншік иелері жылыту маусымы аяқталғаннан кейін күнтізбелік алпыс күн ішінде жылу энергиясын тұтыну нормасынан асып кету себептерін анықтайды.

Жылу энергиясын тұтыну нормасынан асып кету себептерін өз бетінше анықтау мүмкін болмаған жағдайда, мүлік иелері бірлестігінің төрағасы немесе жай серіктестіктің сенім білдірілген тұлғасы не басқарушы не басқарушы компания не пәтерлердің, тұрғын емес үй-жайлардың барлық меншік иелері жиналыста нысаналы энергия аудитін жүргізуге бастамашылық жасайды, ол Энергия аудитін жүргізу қағидаларына сәйкес жүргізіледі.

Бұйрық 2025 жылғы 9 ақпаннан бастап қолданысқа енгізіледі.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!