ШҚО-да скутер жүргізушісін қағып өлтірген ер адам 2,5 жылға түрмеге қамалды
ШҚО соты баспасөз қызметінің мәліметіне сүйенсек, жол-көлік оқиғасы осы жылдың қазан айында Алтай қаласында болған.
Фото: Pixabay.com
11:46 13.12.2024
Панфилов көшесімен келе жатқан көлік жүргізушісі солға бұрылған кезде скутерді байқамай қалып, қағып кеткен. Соның салдарынан ауыр жарақат алған жәбірленуші ауруханада көз жұмды.
— Сот шешімімен айыпталушы кінәлі деп танылып, 2 жарым жылға бас бостандығынан айырылды. Сондай-ақ оған 5 жылға көлік басқаруға тыйым салынды, — делінген ақпаратта.
Үкім әлі заңды күшіне енген жоқ.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
