Жетісу облысында қар құрсауында қалған 8 адам құтқарылды
Алакөл ауданында құтқарушылар жеңіл автокөлікпен қар құрсауында қалып қойған 8 адамды құтқарды. Жолаушылар медициналық көмекке жүгінбеді.
Фото: ТЖМ
14:10 15.12.2024
ТЖМ таратқан мәліметке сүйенсек, Жетісу облысындағы Алакөл ауданы Жалаңашкөл автожолының учаскесінде жеңіл автокөлік қар құрсауында тұрып қалған. Оқиға орнына келген құтқарушылар темір жол бойында қалған көліктегі 2 адамды жақын маңдағы елді мекенге эвакуациялады.
Сондай-ақ Көктұма станциясының жанында 6 жолаушысы бар жеңіл автокөлікті де қар құрсауынан шығарған төтеншеліктер адамдарды жақын ауылдардың біріне жеткізген.
«Оқиға орнына келген ТЖМ жедел-құтқару жасағының құтқарушылары вахтовканың көмегімен Ақши ауылына 6 адамды эвакуациялады. Олар медициналық көмек мұқтаж емес», - делінген хабарламада.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
