Алматы-Өскемен тасжолында қатты жел жүк көлігінің тіркемесін аударып жіберген
Алматы-Өскемен тасжолының Абай облысының аумағындағы учаскеде қатты соққан жел жүк көлігінің тіркемесін аударып жіберді. Облыстық полиция департаменті баспасөз қызметінің мәліметіне сүйенсек, оқиға бүгін сағат 14:30 шамасында болған.
Фото: Абай облыстық полиция департаменті
09:15 15.12.2024
— Алматы-Өскемен тасжолының 938-ші шақырымында қатты соққан желдің екпіні Mercedes-Benz Atego жүк көлігінің тіркемесін аударып жіберді. Абырой болғанда, зардап шеккен ешкім жоқ. Сол жерге дереу полиция мен шұғыл қызмет өкілдері жетті, — делінген ақпаратта.
Осы ретте, тәртіп сақшылары жүргізушілерге дауыл соққанда және қолайсыз ауа райы жағдайында жолда аса сақ болу қажеттігін ескертті.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
