Маңғыстау облысында ТЖМ құтқарушылары 29 жүк көлігін қар құрсауынан алып шықты
Маңғыстау облысында республикалық маңызы бар автожол учаскесінде қалған жүк көліктерін құтқарушылар қалың қардан сүйреп шығарды.
Фото: видеодан алынды
09:35 17.12.2024
ТЖМ таратқан мәліметке сүйенсек «Жаңаөзен – Түрікменстан» жолының бойында жүк көліктері қар үйіндісінде қалған. Жүк көліктерінің бірі тіпті күре жолдың бойынан шығып кеткен.
Жүргізушілерге көмекке келген аймақтық құтқару бөлімшелерінің қызметкерлері дереу жолды тазалап, көліктерді сүйреп, қозғалысты қалпына келтірген. Бұл жұмыстар «ҚазАвтожол» қызметкерлерімен бірлесіп жүргізілген.
ТЖМ дауылды ескертулерге назар аударып, ауа райы нашарлаған жағдайда үйде болуға шақырады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
