Бес жұлдызды қонақүйде жеті турист ішімдіктен уланды
Вити-Леву аралындағы (Фиджи) бес жұлдызды курортта туристер алкоголь тұтынып, уланып қалған. Полиция токсикологиялық сынақтар жүргізіп, бүгінде нәтижесін күтуде, деп хабарлайды Zakon.kz.
Фото: pixabay
12:09 17.12.2024
Sky News мәліметінше, 14 желтоқсанда Фиджи Үкіметі алкогольді ішімдік ішкеннен кейін өзін нашар сезінген туристер арасында австралиялықтар мен бір американдық бар деп мәлімдеді. Фиджи Денсаулық сақтау министрлігінің өкілі Джемеса Тудравудың айтуынша, топқа уақтылы медициналық көмек көрсетілді.
Курорттың клиенттермен жұмыс жөніндегі менеджері Мерейси Макуту мемлекеттік телеарнаға компания бұл оқиғаны зерттеп жатқанын айтты.
"Біздің қазіргі кездегі басты міндетіміз – ауруханада жатқан қонақтарға қамқорлық жасау", – деді ол Фиджи хабар тарату корпорациясына.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
