Алакөл ауданында жолда қалған 41 адам құтқарылды
Бүгін Үшарал-Достық автожолының Ырғайты учаскесінде қарлы боран мен қалың қардың салдарынан 30 жүк көлігі мен 1 жеңіл көлік қар құрсауында қалып қойған. ТЖМ құтқарушыларының көмегімен 41 адам қауіпсіз жерге жеткізілді.
Фото: ТЖМ
20:16 17.12.2024
ТЖМ таратқан мәліметке сүйенсек, қар құрсауында қалған жолаушыларға құтқарушылар көмекке барған. Олар жол талғамайтын арнайы техникалармен 41 адамды Көктұма ауылына жеткізген.
Құтқарылғандардың арасында Беларусь Республикасының, ҚХР-дың, Әзербайжан Республикасының және РФ-ның 28 азаматы бар.
"ТЖМ қыс мезгілінде қауіпсіздік ережелерін сақтау қажеттілігі туралы ескертеді, дауылды ескертулерге назар аударыңыз және ауа-райы нашарлаған жағдайда үйде болыңыз", - делінген хабарламада.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
