Караокедегі өрттен 11 адам мерт болды
Вьетнам астанасы Ханой қаласындағы караоке-барда болған өрттен кем дегенде 11 адам мерт болды. Бұл туралы жергілікті полицияға сілтеме жасай отырып Reuters хабарлады, деп жазады Report.az.
Фото: report.az
13:50 19.12.2024
Оқиға орнына жеткен құтқарушылар ғимараттан жеті адамды аман алып шыққан, оның екеуі ауруханаға жеткізілді. Вьетнамның Қоғамдық қауіпсіздік министрлігі «өрт қойды» деген күдікпен ер адамның ұсталғанын хабарлаған.
Айтуларынша, мекеме қызметкерлерімен кикілжіңнен кейін ол ғимараттың бірінші қабатына бензин шашып, от қойған. Тиісті бөлімшелер оқиғаның барлық мән-жайын анықтауда, делінген хабарда.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
