Сирияда қазір қанша Қазақстан азаматы бар
ҚР Сыртқы істер министрлігі кейбір қазақстандықтардың неліктен тұрақсыз саяси жағдайда қалуды таңдағанын түсіндірді.
Фото: report.az
10:47 20.12.2024
Сыртқы істер министрлігі бүгін Сирияда еліміздің 33 азаматының қалғанын хабарлады. Олар негізінен кезінде Сирия азаматтарына тұрмысқа шығып, дүниеге бала әкелген қазақ әйелдері.
— Осы республикада төңкеріс басталған кезде біздің консул олармен байланысқа шығып, үйлеріне қайтқылары келе ме деп сұрады. Қазақстанға қайтқысы келетіндер қазір елде. Дипломаттар қалғандарымен тұрақты байланыста, — делінген СІМ мәлімдемесінде.
Бұған дейін жаңа билік сириялықтарды отанына оралуға шақырғанымен, халықаралық ұйымдар елдегі жағдай өте ауыр күйінде қалып отыр деп дабыл қаққаны хабарланған болатын.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
