Атырауда 5 жасар баланың басы орындықтың арқалығына қыстырылып қалған
Атырау облыстық төтенше жағдайлар департаменті қоғаммен байланыс тобының мәліметінше, оқиға Атырау қаласында болған.
Фото: Атырау облыстық ТЖД
14:25 24.12.2024
– 2019 жылы туған бала ойнап жүріп, басын орындықтың арқалығына қыстырып алған. Кейін қайта шығара алмаған. Ата-анасының әрекеті де нәтиже бермеген. Бұған алаңдаған ата-ана 112 қызметіне жүгініп, құтқарушылардан көмек сұрады, -деп хабарлады департаменттің қоғаммен байланыс тобы.
Жергілікті құтқарушылар баланың қыстырылып қалған басын босату үшін «Holmatro» құралын қолданған.
– Төтенше жағдайлар қызметкерлері ата-аналарға балаларды қараусыз қалдырмау қажеттігін ескертеді. Балалар соңы өкінішке ұрындырар оқыс оқиғадан қорғаған жөн, -деп мәлім етті департаменттің қоғаммен байланыс тобынан.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
