Ақтаудағы ұшақ апаты: ТЖМ түсініктеме берді
2024 жылғы 25 желтоқсанда Ақтау маңында ұшақ құлады. Осыған байланысты ТЖМ түсініктеме берді, деп хабарлайды Zakon.kz.
12:20 25.12.2024
Апат орнына ТЖМ күштері жұмылдырылды.
"Ақтауда ұшақ құлаған орынға Қазақстан ТЖМ жеке құрамынан 52 адам және 11 бірлік техникасы барды. Оқиға орнына келген бойда әуе кемесі жанып жатты. Құтқару бөлімшелері өртті сөндіруге кірісті", - дейді ҚР ТЖМ баспасөз қызметі.
Қазіргі уақытта зардап шеккендер туралы ақпарат нақтылануда, алдын ала мәлімет бойынша тірі қалған адамдар бар.
"ТЖМ Командалық орталығында жедел ШТАБ құрылды, онда сенім телефоны жұмыс істеуде: 8/7292/319099", - дейді ҚР ТЖМ баспасөз қызметі.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
