Өскеменде университет маңынан адам мәйіті табылды
25 желтоқсан күні таңертең Серікбаев көшесінде орналасқан университеттің маңайында адамның мәйіті жатқан.
Фото: freepik.com
13:20 25.12.2024
Мұны байқаған адамдар бірден полицияға қоңырау шалды.
- Сол жерге тәртіп сақшылары шұғыл келіп жетті. Марқұм 45 жас шамасындағы ер адам. Оның денесінен көзге көрінетіндей жарақаттар байқалған жоқ, - деп хабарлады ШҚО Полиция департаментінің баспасөз қызметінен.
Қазіргі уақытта оқиғаның мән-жайын анықтау үшін тиісті сараптама тағайындалған.
- Сотқа дейінгі тергеу амалдары жүргізіліп жатыр. ҚР ҚІЖК-нің 201-бабы бойынша өзге ақпарат тергеу мүддесіне сәйкес жария етілуге жатпайды, - делінген ақпаратта.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
