«Омбы-Майқапшағай» автожолында қозғалыс шектелді
Жол 2024 жылғы 27 желтоқсан сағат 07:00–де ашылады, деп хабарлайды Абай облысы Полиция департаменті.
Фото: Абай облысы ПД
10:51 27.12.2024
— 2024 жылғы 26 желтоқсан күні сағат 18:00–ден бастап қолайсыз ауа райы жағдайларына байланысты «Омбы-Майқапшағай» автожолының 1087-1103 км учаскесінде (Боғаз ауылының бұрылысы — Шығыс Қазақстан облысының шекарасы) дизельді қозғалтқыштары бар қоғамдық көліктер үшін қозғалыс уақытша шектелді. Қазіргі уақытта осы учаскеде көліктердің жиналуы тіркелген жоқ, — делінген хабарламада.
Қозғалысты ашудың болжамды уақыты — 2024 жылғы 27 желтоқсан сағат 07:00.
Абай облысының полициясы жүргізушілерге ескерту жасады.
— Ауа райы жағдайларын ескеріп, жедел ақпаратты қадағалаңыз және сапарыңызды жоспарлау кезінде сақтық шараларын сақтаңыз, — деді ведомство.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
