СҚО колонияларында алимент бойынша борышкерлер жұмысқа орналастырылды

Солтүстік Қазақстан облысындағы түзеу мекемелерінде алимент бойынша 39 борышкер жазасын өтеп жатыр, деп хабарлайды Zakon.kz.

Облыстық прокуратураның дерегіне сүйенсек, сотталған К.-ның № 50 мекемеде жазасын өтеу кезінде жұмыс істемейтіні және қызын асырау үшін 1 миллион теңгеден астам қарызы бар алимент бойынша борышкер екені анықталды. Осылайша сотталушы ЖК-дің қол астына жұмысқа орналастырылды. 

Сондай-ақ, тексеріс барысында қабылданған шаралармен жалпы қарыз сомасы 22,4 млн тенгені құрайтын алимент бойынша барлығы 11 борышкер жұмысқа орналастырылды.

Атап айтқанда, № 48 мекемеде қарыз сомасы 18,8 млн теңгені құрайтын 6 сотталушы, № 51 мекемеде 2,5 млн теңге қарызы бар 3 борышкер, № 50 мекемеде 2,1 миллион теңге қарызы бар 2 борышкер жұмыс тапты.

Қазіргі таңда, алимент бойынша барлық борышкерлер жұмысқа орналастырылды, аталған бағыттағы жұмыстар жалғасуда және облыс прокуратурасының бақылауында.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!