Боксшы Данияр Елеусіновтің келесі жекпе-жегі қашан өтетіні белгілі болды
Кәсіпқой боксшы Данияр Елеусіновтің (12-0, 7 КО) шаршы алаңға қашан оралатыны белгілі болды. Бұл туралы All Stars Boxing промоутерлік компаниясы ресми мәлімдеме жасады.
Фото: instagram.com/yeleussinovdaniyar
08:52 30.12.2024
Промоутерлік компанияның мәліметі бойынша, Данияр Елеусінов 28 ақпанда Астанада жекпе-жек өткізеді.
Еске сала кетейік, Данияр Елеусінов IBO тұжырымы бойынша жартылай орта салмақта әлем чемпионы атанған.
Боксшы бұған дейін Алматыда өткен бокс кешінде филиппиндік Джо Нойнаймен (23-4-2, 11 КО) жұдырықтасты.
Кездесу жартылай орта салмақта өтіп, 9 раундқа есептелген еді. Бесінші раундтан соң Нойнай Даниярдың соққыларына шыдай алмай жұдырықтасудан бас тартты. Сондай-ақ филиппиндік бірінші және төртінші раундта нокдаун алды.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
