Алматы облысының құтқарушылары қар көшкіні қаупі туралы ескертті
Алматы облысының Төтенше жағдайлар департаменті қар көшкіні қаупі туралы ескерту жасады.
Фото: gov.kz
09:52 06.01.2025
ТЖД мәліметіне сәйкес, Алматы облысының тауларында 6-9 қаңтар аралығында көшкін қаупі сақталады. Алматы облысының аумағында Іле-Алатау тауларының оңтүстік беткейінде Еңбекшіқазақ, Талғар және Қарасай аудандарында 55 көшкін қаупі бар учаске бар.
— Департамент азаматтардан, туристерден қар көшкіні болуы мүмкін болғандықтан, қарлы беткейлерге шықпауды, сондай-ақ таулы жерлерде барлық қауіпсіздік шараларын сақтауды сұрайды. Негізінен қар көшкінінің түсуі температура фонының жоғарылауына және жаңбыр мен қар түрінде мол жауын-шашынның түсуіне байланысты болады, — деп хабарлады облыстық ТЖД баспасөз қызметі.
Сондай-ақ, Алматы облысының құтқарушылары жұқа мұзда адамдардың жарақаттануы мен өлімінің алдын алу мақсатында су айдындарында қауіпсіздік ережелерін сақтауды және жұқа мұзға шықпауды сұрайды.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
