Атыраулық полицей жанармай бекетінде өртенген көлікті сөндірді
Атырау қаласында жанармай бекетінде жеңіл көлік өртенді. Жанып жатқан көлік полиция қызметкері қауіпсіз аумаққа шығарып, жалынды сөндірген.
Фото: Атырау облыстық полиция департаменті
08:45 08.01.2025
Атырау облыстық полиция департаменті баспасөз қызметінің мәліметінше, оқиға бүгін, 7 қаңтарда болған.
– Бүгін сағат 10:20 шамасында Атырау қаласындағы жанар-жағармай бекетінде Nissan маркалы автокөлігінен өрт шыққан. Оны түнгі ауысымнан кейін үйіне бара жатқан Атырау қалалық полиция басқармасы патрульдік полиция батальонының қызмет инспекторы полиция, кіші сержанты Данияр Жәрдемғали байқаған. Жедел әрекет еткен полицей өртеніп жатқан көлікті итеріп, жанармай бекетінен аулаққа шығарған. Одан соң өрт сөндіру құралымен жалынды сөндірген, - деп хабарлады департаменттің баспасөз қызметі.
Жанармай бекетінде оқыс оқиғадан ешкім зардап шекпеген. Көліктің иесі өрт сөндірушілер келгенге дейін өрт сөндірген полицейге алғысын білдірді.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
