ҰҚК қару жасайтын төрт жасырын цехты жойды
ҰҚК өкілдері арнайы операция барысында қарудың қайта айналымының 7 арнасы, сатудың 7 ішкі арнасы және оны жасайтын жасырын 4 цехты жойды.
Фото: ҚР ҰҚК баспасөз қызметі
11:07 08.01.2025
Бұл туралы ҚР Ұлттық қауіпсіздік комитетінің баспасөз қызметінен мәлім болды. Баспаөз қызметінің мәліметтеріне қарағанда, 2024 жылы Ұлттық қауіпсіздік комитеті полиция және прокуратура органдарымен бірлесіп, қару-жарақтарды, оның ішінде «қаңтар оқиғалары» кезінде ұрланғандарды іздеу және заңсыз айналымнан алу бойынша бірқатар жедел-іздестіру іс-шараларын жүргізді.
Осы операциялар кезінде 58 Калашников автоматы, 283 мылтық, 164 тапанша, 115 граната және әртүрлі калибрдегі 15 мыңнан астам оқ-дәрі тәркіленді. Қарудың заңсыз айналымына қарсы күрес бойынша іс-шаралар жалғасуда.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
