Сенатор азаматтық авиациядағы мәселелерді атады

Ол осы саланың қауіпсіздігі мен бәсекеге қабілеттілігін арттыруға бағытталған кешенді шаралар әзірлеу және іске асыру үшін Көлік министрлігі мен Ғылым және жоғары білім министрлігі өзара тығыз іс-қимыл жасау қажет екенін атап өтті.

- Әуежайлардың инфрақұрылымының әлсіздігі, бюджеттік тасымалдаушылардың ішкі нарықтағы ұсыныстарының жеткіліксіздігі, жанармай бағасының және ұшу билеттерінің қымбаттығы сияқты кешенді проблемалар жеткілікті. Осылардың ішінде ең маңыздысының бірі - азаматтық авиация саласында халықаралық талаптарға сай келетін мамандарды әзірлеу мәселесі. Цифрландыруды, жасанды интеллектіні және пилотсыз жүйелерді қоса алғанда, технологиялардың қарқынды дамуы саланың серпінді өзгерістеріне бейімделе алатын озық ойлы кадрларды даярлауды талап етіп отыр. Мамандарды даярлаудың жоғары деңгейін қамтамасыз ету үшін әлемдік стандарттар мен озық тәжірибелерге сәйкес Академияның инфрақұрылымын дамыту аса қажет, - деді Нұртөре Жүсіп Үкімет басшысы Олжас Бектеновтің атына жолдаған сауалында.

Депутат жағдайды жақсарту үшін бірқатар нақты шараларды ұсынды. Атап айтқанда, бұл EASA стандарттары бойынша Азаматтық авиация академиясын сертификаттау және уақыт талабына жауап беретін мамандарды даярлау үшін ұшқышсыз авиация орталығын құру туралы.

- Академияға мамандандырылған жабдықтары бар жеке аэродром салу, оқу-зертханалық базаны жаңарту және кеңейту бойынша жобаларды іске асыру, заманауи тренажерлармен жарақтандыру қажет. Авиация саласының бәсекеге қабілеттілігін арттыру маңызды. Ол үшін нысаналы қаржыландыру нормасын енгізуді қарастыру қажет. Мұндай практика бізде болған. Біз ғылымды қаржыландыруда Қазақстандағы жер қойнауын пайдаланушыларды өндіруге жұмсалған өз шығындарының ғылыми-зерттеу және тәжірибелік-конструкторлық жұмыстарға бөлуін міндеттеген болатынбыз. Академияның елдің авиация саласының қауіпсіздігі мен бәсекеге қабілеттілігін қамтамасыз ететін кадрларды даярлаудың стратегиялық орталығы ретіндегі рөлін күшейту үшін оған ерекше мәртебе беру мәселесін қарастыру қажет деп ойлаймын», - деді сенатор.

Дереккөз: kazinform

Бізді Youtubе-та қараңыз! Бізді Facebook-та, Instagram-да, Telegram-да оқыңыз!