Допты хоккейден «Ақжайық» Орынборда «Локомотивті» 18:5 есебімен ұтты
Допты хоккейден жоғары лига командалары арасында бүкілресейлік жарыста Оралдың «Ақжайығы» жаңа жылдағы алғашқы кездесуін Орынборда жергілікті «Локомотивпен» өткізді.
Фото: instagram.com/ sc_akzhayik_07
16:17 09.01.2025
Осыған дейін оралдықтар 21 ұпаймен екінші топта үшінші орында тұрған еді. Бірінші таймда «Ақжайық» 7:3 есебімен алға кетті. Екінші кезеңде Николай Шавалдиннің шәкірттері есепті 18:5-ке жеткізді.
Батысқазақстандық клубтан ресейлік сұрмерген Максим Пахомов 7 голдың авторы атанса, команда капитаны Максим Өтебалиев те қалысқан жоқ. Оның еншісінде 5 доп бар. Сондай-ақ «Локомотив» қақпасына Рауан Исалиев 3, Дәурен Оралов, Артем Лапшин және Нұрбол Бөкешов бір-бірден доп енгізді.
Ертең командалар екінші матчын өткізеді.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
