Алматыда ҚБТУ ғимаратында шыққан өрт оқшауланды — ТЖД
Өртті оқшаулау барысында әкімшілік ғимараттың төбесінен Қазақстанның туы төменге түсірілді. Оған еш зақым келмеген, деп хабарлайды қалалық ТЖД.
Фото: ТЖМ
15:11 12.01.2025
— Өрт оқшауланды. Сөндіру жұмыстары төрт жауынгерлік учаскеде жүргізілді. Процесс ғимарат құрылысының ерекшеліктерімен, жоғары өрт жүктемесімен және қатты түтінмен қиындады, — делінген Алматы қаласы ТЖД хабарламасында.
Ведомство атап өткендей, өртті оқшаулау кезінде әкімшілік ғимараттың төбесінен Қазақстанның туы зақымдалмай төменге түсірілді.
Алматы әкімдігі ҚБТУ ғимаратындағы өртті жою үшін ТЖ қызметтеріне қажетті көмекті көрсетеді.
— Өрт орын алған жерде Алматы қаласы әкімінің тиісті мәселеге жетекшілік ететін орынбасары Бейбіт Шаханов, сондай-ақ құрылымдық бөлімшелердің басшылары бар. Алмалы ауданының әкімдігі өрт сөндірушілерге ыстық тамақ пен сусын ұйымдастырды, — делінген қалалық әкімдік таратқан ақпаратта.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
