ШҚО-дағы тасжолдардың бірі көліктің барлық түрі үшін жабылады
Шығыс Қазақстан облысындағы тасжолдардың бірінде көлік қозғалысына тыйым салынады.
Фото: Мухтор Холдорбеков/Kazinform
10:18 13.01.2025
ШҚО Төтенше жағдайлар департаменті баспасөз қызметінің мәліметіне сүйенсек, 13 қаңтарда сағат 10.00-ден бастап облыстық маңызы бар «Өскемен-Тарғын-Самар» тасжолының 132-137 шақырымында автокөліктің барлық түрі үшін қозғалыс жабылады.
- Аталған учаскеде жасанды жолмен қар көшкіні жүргізіледі. Сондықтан көлік жүргізушілерінен түсіністік танытып, өз бағыттарын алдын ала жоспарлап алуды сұраймыз, - деп хабарлады ведомство өкілдері.
Осы ретте, құтқарушылар өңір жұртшылығына алыс сапарға шығар алдында жолдардың жай-күйін «Дәрмен» мобильдік қосымшасы арқылы тексеріп отыруға кеңес берді.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
