Ақтөбеде кепілде болған әйелдің жағдайы белгілі болды
Ақтөбеде түнде кепілде болып, босатылған 40 жастағы әйелдің жағдайы орташа ауыр.
Фото: Алтынай Сағындықова/Kazinform
10:45 14.01.2025
Дәрігерлер пышақ жарақаты болмағанын хабарлады. Кепілде болған үш адамның екеуі түнде ауруханаға жеткізілді. Олардың бірі 1950 жылғы ер адам. Ол ес-түссіз күйінде әкелінген. Дәрігерлер науқасқа 40 минут бойы реанимация жасады. Алайда адамды аман алып қалу мүмкін болмаған. Ал 40 жастағы әйелдің жағдайы қазір орташа ауыр.
- Кеше ауруханаға екі науқасты алып келді. Бірі ес-түссіз жеткізілді. 1984 жылғы әйел адамның басынан, денесінен жарақат алған. Таңға дейін ем алды. Қазір жағдайы орташа тұрақты. Қан қысымы тұрақты. Бүгін палатаға аударамыз, - деді Ақтөбе облыстық көпсалалы ауруханасы бас дәрігерінің орынбасары Азамат Тұрышев.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
