Алкогольден уланып, қайтыс болғандар саны 11-ге жетті
Ыстамбұлда қолдан жасалған алкоголь өнімдерін өндірумен және таратумен айналысқан екі Түркіменстан азаматы ұсталды, деп хабарлайды Kazinform агенттігі Өзбекстанның Ыстамбұлдағы Бас консулдығына сілтеме жасап.
Фото: pixabay
10:31 15.01.2025
Алынған ақпаратқа сәйкес, соңғы тәулікте Ыстамбұлда барлығы 38 адам қолдан жасалған алкогольді ішу салдарынан уланған. Ауруханаға түскендердің 11-і қайтыс болды. Полиция оқиғаға қатысты жан-жақты тергеу жұмыстарын бастады.
Ауруханаға келгендердің 26-сы шетелдіктер екені белгілі болды. Осы оқиғаға қатысты екі Түркіменстан азаматы қамауға алынып, олардың үстінен қылмыстық іс қозғалды. Бүгінгі таңда жалған алкогольдік сусындардан көз жұмған Өзбекстан азаматтарының саны 6-ға жетті. Оның 5-еуі ер адам, 1-і әйел адам.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
