Өртке байланысты 200 мыңға жуық адамға қауіп төніп тұр
Лос-Анджелес округінде жалғасып жатқан өрт жалынның жаңа аудандарға таралу қаупін төндіріп отыр, деп хабарлайды Kazinform меншікті тілшісі.
Фото: goodmorningamerica.com
11:49 20.01.2025
Онда 200 мыңға жуық адамға эвакуациялану қаупі төніп тұр. Қазіргі кезде Итондағы жалын 14 117 акр (5 713 га) аумақты қамтып отыр, 73%-ы сөндірілды, ал Палисейлстегі өрт 23 713 акр (9 596 га) аумақты қамтыды және 52%-ы сөндірілді. Пасадинде жалын 14 мың акр (5 665 га) астам аумақты өртеп жіберді және 81%-ы ауыздықталды, деп хабарлайды ABC News.
Калифорния губернаторы Гэвин Ньюом жексенбіде өртпен күресу үшін қосымша ресурстар жұмылдыратынын жариялады. Атап айтқанда, штат билігі Оңтүстік Калифорнияда 170-тен астам өрт сөндіру, су таситын көліктер мен ұшақтарды жұмылдырады.
Жағдайды жағада 70 миль (112 км/сағ) және Лос-Анджелес пен Вентура округтерінің тау етегінде 100 миль (160 км/сағ) дейін жетуі мүмкін желдің күшті екпіні қиындатып отыр.
Жалынның Лос-Анджелес округінің Санта-Кларита, Сими-Вэлли, Таузенд-Оукс және Бербанк қалаларына таралу қаупі бар. Биліктің бірінші талабы бойынша 172 мыңға жуық адам эвакуациялануға дайын.
Лос-Анджелес аймағындағы өрт биылғы жылдың 7 қаңтарында басталып, 27 адамның өмірін қиды.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
