Ақтөбеде тағы да көлікке техникалық қызмет көрсету орталығы өртенді
Ақтөбе қаласындағы тағы да көлікке техникалық қызмет көрсету орталығы өртенді. Оның ішінде екі көлік жанып кетті.
Фото: ҚР ТЖМ
09:49 21.01.2025
Ақтөбе облыстық ТЖД-нің хабарлауынша, хабарлама сағат 18:15-те түсті. Тілсіз жау арада 30 минут өткенде сөндірілді. Өрт сөндірушілер жалын ішінен оттегі баллонын алып шыққан.
- Оқиға орнына 45 қызметкер мен 9 техника жетті. Екі қабатты ғимараттың бірінші қабатындағы техникалық қызмет көрсету орталығы жанды. Ауданы – 100 шаршы метр. Өрт кезінде 2 көлік өртеніп кетті, - деді Ақтөбе қаласы ТЖБ инженері Әли Купенов.
Әзірге өрт кезіндегі қатты дыбыстың неден шыққаны белгісіз. Қазіргі кезде оттың неден тұтанғаны анықталып жатыр.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
