Қорғаныс министрлігі Сарыөзектегі сарбаз өлімінің ықтимал себебін айтты

— 14 қаңтарда Сарыөзек кентіндегі 12740 әскери бөлімінде болған қатардағы жауынгер Дастан Құрманбектің өліміне қатысты түсінік бергім келеді. Аталған факті бойынша қызметтік тергеу менің басшылығыммен — Құрлық әскерлерінің Бас қолбасшысының басшылығымен — «Оңтүстік» өңірлік қолбасшылығы әскерлері қолбасшысының басқармасы, Бас қолбасшы Басқармасының офицерлер тобының қатысуымен жүргізілді. Құқық қорғау органдары қылмыстық іс қозғады және тергеу амалдары жүріп жатыр, - деді ҚР Қарулы күштері Құрлық әскерлерінің бас қолбасшысы, генерал-майор Мереке Көшекбаев орталық коммуникациялар қызметі алаңында өткен баспасөз мәслихатында. 

Сондай-ақ Құрлық әскерлерінің бас қолбасшысы сарбаз өлімінің алдын ала себебін айтты. 

— Қызметтік тергеу қорытындысы бойынша қазаның ықтимал себебі қолбасшылықтың қарамағындағы жеке құраммен жұмыс істеуде жекелеген олқылықтардың болуы мүмкін деген тұжырым жасадық. Қолбасшылық Дастанның ішкі алаңдаушылығын уақытында байқай алмады, яғни оған моральдық және психологиялық қолдау көрсетіп, әскери қызмет жағдайына бейімделуін анықтай алмады, - дейді ол. 

Осы орайда Қорғаныс министрлігінің өкілі әскери бөлімдердің қолбасшылығы сарбаздардың мінез-құлқындағы ауытқуларға дереу әрекет ететінін атап өтті. 

— 8 қаңтарда қатардағы жауынгер Дастан Құрманбек туралы ақпарат алып, бөлім командирі онымен жеке әңгімелесті. 12 қаңтарда ата-анасы бөлімге келді және телефонмен сөйлесті. Қолбасшылық Дастанды босатты, яғни күні бойы Дастан ата-анасымен бірге болды. Әскери ұжым ішіндегі, оның ішінде офицерлер, сержанттар арасындағы қарым-қатынасқа байланысты ешқандай проблемалар болған жоқ. Тергеу мүддесіне сәйкес оқиғаның егжей-тегжейін айта алмаймын, - деп толықтырды Мереке Көшекбаев. 

Дереккөз: kazinform

Бізді Youtubе-та қараңыз! Бізді Facebook-та, Instagram-да, Telegram-да оқыңыз!