Қарағанды облысының құтқарушылары өткен тәулікте қар құрсауынан 15 адамды құтқарды

Осакаров ауданында, Осакаровка-Молодежный автожолында, Молодежный ауылынан 20 шақырым жерде, жол шетіне түсіп кеткен жеңіл көліктен үш адам құтқарылды. Олар медициналық көмекті қажет етпеді.

Бұдан басқа, құтқарушылар Осакаровкадағы жылыту пунктіне 5 жеңіл көлікті алып барды. Олардың ішінде 12 адам болған.

– Теміртауда ТЖД қызметкерлері жергілікті атқарушы органдармен және «Шаңырақ» қозғалысының еріктілерімен бірге жол ақысын төлеу бекетінде тұрып қалған автокөліктердің жолаушыларына азық-түлік жеткізді. Сондай-ақ полицейлер салонында 52 адам болған Шымкент-Астана бағытымен келе жатқан екі автобустың жолаушыларын Теміртаудағы жылыту пункттеріне алып барды. Жолаушылардың ешқайсысы медициналық көмекті қажет етпеді, - деп хабарлады Қарағанды облысының ТЖД баспасөз қызметі. 

Бұқар жырау ауданында, Үштөбе ауылдық округінде, Атамекен ауылының маңында жедел медициналық жәрдем бригадасы шұғыл ауруханаға жатқызуды қажет ететін науқасты жеткізуде қиындықтарға тап болды. Жедел жәрдем көлігіне әйелді жол талғамайтын көліктің көмегімен жеткізді.

Қарағанды облысының аумағында дауылды ескерту жалғасып жатыр. Облыстың көп бөлігінде боран сақталады. Құтқарушылар өңір тұрғындарына келесі қауіпсіздік ережелерін сақтауға кеңес береді:

– елді мекендерден тыс жерлерге жол жүруден және жаяу жүруден бас тартуға;

– трассалар жабылатын жерлерде көлік құралдарының кептелісін болдырмау;

– ауа райының қолайсыздығын жол бойындағы нысандарда күту;

– ТЖД ресми парақшаларында және әлеуметтік желілерде автожолдардың жабылуы, қозғалыстың шектелуі немесе ашылуы туралы ақпаратты қадағалау.

Оқиғалар мен ТЖ туралы 112 телефоны бойынша хабарлау қажет.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!