Алматы әуежайында түкірген шетелдікке айыппұл салынып, рейстен түсірілді
Алматы әуежайындағы желілік полиция бөлімінің қызметкерлері Алматы–Шымкент рейсімен ұшпақшы болған жолаушыны ұстады.
Фото: Александр Павский / Kazinform
11:55 22.01.2025
Көліктегі полиция департаментінің мәліметінше, тәртіп сақшылары тексеру барысында жолаушы 34 жастағы Қытай азаматы екенін анықтаған.
- Ол рейске отырғызу кезінде күту залында, яғни қоғамдық жерде түкіріп, айналасындағы азаматтарға құрметсіздік танытып, жалпы қоғамдық орынды ластаған. Құқықбұзушы 5 АЕК (19 660 теңге) көлемінде айыппұл арқалап, рейстен түсірілді, - деп хабарлады департаменттен.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
