Apple тағы да әлемдегі ең қымбат брендтер тізімінде көш бастады
Apple екінші жыл қатарынан әлемдегі ең қымбат бренд атанды. Бренд құны бір жыл ішінде 11%-ға өсіп, 574,5 миллиард долларға жетті. Бұл туралы жыл сайынғы Brand Finance Global 500 зерттеуінде айтылған, деп жазады Report.
Фото: Euronews
16:04 22.01.2025
Рейтингтегі екінші орынды тағы да Microsoft иеленді, оның құны 35%-ға (461,1 млрд долларға дейін) өсті, үшінші орында Google (+24%, 413 млрд долларға дейін), төртінші орында Amazon (+15%, 356,4 млрд долларға дейін) компаниясы тұр.
Walmart бренді алтыншы орыннан бесінші орынға көтерілді – оның құны 42%-ға өсіп, 137,2 миллиард долларға дейін өсті.
Ең қымбат брендтердің ондығына сонымен қатар Samsung (110,6 миллиард доллар), TikTok (105,8 миллиард доллар), Facebook (91,5 миллиард доллар), Nvidia (87,9 миллиард доллар) және Қытайдың State Grid корпорациясы (85,6 миллиард доллар) кіреді. Бір жыл ішінде Nvidia брендінің құны екі есеге жуық өскені атап өтілді.
Deutsche Telekom жалпы рейтингте 11-орынға ие болып, Еуропадағы ең құнды бренд деп танылды (+16%, $85,3 млрд).
Instagram 12-орында (79,9 млрд доллар), қытайлық ICBC және China Construction Bank $79,1 млрд және $78,4 млрд көрсеткіштерімен 13 және 14 орындарды иеленді.
Жапондық брендтер арасында Toyota 18-орынға ие болды ($64,7 млрд, +23%).
Үздік 500-ге 193 американдық бренд кіреді, бұл жалпы құнның жартысынан көбін құрайды, делінген хабарда.
Әлемдегі ең құнды 500 брендтің жалпы құны өткен жылы 10%-ға өсіп, 9,5 триллион долларға жуықтады.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
