Алматы облысында қарақұйрықты атып алған браконьерлер ұсталды
Алматы облысы Жамбыл ауданында браконьерлік фактісі бойынша 4 адам ұсталды.
Фото: Орман шаруашылығы және жануарлар дүниесі комитеті
08:06 24.01.2025
22 қаңтарда «Охотзоопром» ӨБ» РМҚК инспекторлары Алматы облысы, Қаншенгел ауылының солтүстігінде өткізілген рейдтік іс-шаралар барысында «УАЗ» маркалы автокөлікті тоқтатқан. Оның ішінде төрт азамат болған.
Көлікті тексеру кезінде Қызыл кітапқа енген қарақұйрық аңына ұқсас ұша, екі дана қоян ұшасы, қолдан жасалған қолшам және екі дана аңшы қаруы табылды.
- ҚР Қылмыстық кодексінің 339-бабының 1-бөлігіне сәйкес қылмыстық құқық бұзушылық белгілерінің бар екенін ескере отырып, материалдар белгіленген тәртіп бойынша жергілікті полиция бөліміне берілді, - деп хабарлады Орман шаруашылығы және жануарлар дүниесі комитетінен.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
