Теннистен Қазақстан әйелдер құрамасының әлем чемпионатындағы қарсыластары белгілі болды
Командалық әлем чемпионаты саналатын Билли Джин Кинг кубогы іріктеу кезеңінің жеребесі тартылды, деп хабарлайды Zakon.kz.
Фото: ktf.kz
14:27 24.01.2025
Қазақстан әйелдер құрамасы командалық әлем чемпионатының іріктеу сайысында D тобында Аустралия және Колумбиямен ойнайды. Бұл топтың матчтары 2025 жылғы сәуір айының екінші аптасында өтеді.
Биыл Билли Джин Кинг кубогының финалдық кезеңіне 12 емес, 8 команда қатысады. Алты топтың жеңімпаздарына турнир қожайыны Қытай мен 2024 жылғы әлем чемпионы Италия қосылады.
Әр топта екінші және үшінші орын алған командалар плей-офф кезеңінде аймақтық топтық турнирлердің үздіктерімен сынға түседі. Плей-офф кезеңінде топтарда үш командадан ойнап, жеңімпаздары 2026 жылдың іріктеу сатысына жолдама алады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
