Almaty Arena мұз сарайында өрт шығып, 4 бала құтқарылды
Almaty Arena көпфункционалды мұз кешені аумағындағы өрт шықты.
Фото: pixabay
17:18 25.01.2025
Оның видеосы әлеуметтік желіде тарады.
Төтенше жағдайлар департаментінің мәліметінше, 25 қаңтарда Алатау ауданында орналасқан «Нұркент-7» шағын ауданында мұз кешенінің бірінші қабатынан өрт шықты.
Өрт сөндіру бөлімшелері жеткенше келушілер мен қызметкерлер ғимараттан шығып үлгерген.
Газ-түтіннен қорғау қызметінің мамандары барлау және өртті сөндіру барысында 2013, 2016, 2019 және 2012 жылы туған төрт бала құтқарды.
Үлкен өрт жүктемесіне қарамастан, өрт сөндірушілер өрттің іргелес орын-жайларға таралуына жол берген жоқ.
Өрт 15:52-де сөндірілді. Қызыл жалын 40 шаршы метр аумақты шарпыған.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
