Оралда көлік жөндеу орталығында 3 автомобиль жанып кетті
Орал қаласының өндірістік аумағында орналасқан көлік жөндеу орталығында өрт шықты.
Фото: БҚО ТЖД
21:10 30.01.2025
БҚО ТЖ департаментінің баспасөз қызметінен мәлім еткеніндей, өрт жөнінде сол тұстан өтіп бара жатқан адам 30 қаңтар күні сағат 05.58-де хабарлаған.
Жоғары ранг бойынша жедел жеткен өрт сөндірушілер техникалық қызмет көрсету бекетінде алты бокстың үшеуі отқа оранғанын анықтады.
- Өрт сөндірушілер жедел қимылдап, жалынның ғимаратқа түгел таралуына тосқауыл қойды. Олар екі автокөлікті алып шықты. Ал үшеуі жанып кетті. Өрт 250 шаршы аумақта сөндірілді. Автосервистің жалпы ауданы - 480 шаршы метр, - деп хабарлады ведомстводан.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
