Алматыдағы екі қабатты ғимаратта құрылыс материалдары өртеніп жатыр
Алматының Түрксіб ауданында өрт сөндірушілер мен құтқарушылар өрт қаупі бойынша жұмыс істеп жатыр.
Фото: видеодан алынды
12:45 04.02.2025
Алматы қаласы Төтенше жағдайлар департаментінің мәліметінше, бүгін сағат 10:54-те ТЖД күштері мен құралдары Түрксіб ауданы, Демьян Бедного көшесі, 5а мекенжайына жіберілген. Құтқарушылар 11:02-де келгеннен кейін екі қабатты ғимаратта құрылыс материалдары жанып жатқанын анықтаған.
- Өрттің өзге нысандарға таралу қаупі туындады. Көрші құрылыстарды қорғауға және тілсіз жауды жоюға өрт оқпандары енгізілді. Өрттің таралуын тоқтату үшін тиісті шаралары қабылданып жатыр, - деп хабарлады департаменттен.
Өрт 11:45-те оқшауланды.
Дереккөз: kazinform
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
