Қазақстаннан қажылыққа баратындарға жаңа талаптар
Қазақстанның ең ірі әуе компаниясы 2025 жылдың 5 ақпанында маңызды мәлімдеме жасады. Ол Жидда мен Мединаға сапар шегетін жолаушыларға арналған, деп хабарлайды Zakon.kz.
Фото: pixabay
13:25 05.02.2025
Сонымен, басылымның мәліметі бойынша:
10 ақпаннан бастап умра мен қажылыққа баруға ниетті 1 жастан асқан барлық жолаушының менингококк инфекциясына қарсы егу сертификаты болуы керек.
Вакцинацияға қойылатын талаптар:
- Менингококқа қарсы төрт валентті (ACYW-135) полисахарид вакцина кейінгі 3 жыл ішінде және Жидда, Мәдинаға келерден кемінде 10 күн бұрын салынған болуы керек.
- Немесе менингококкқа қарсы төрт валентті (ACYW-135) конъюгаттық вакцина кейінгі 5 жыл ішінде және қалаға келерден кемінде 10 күн бұрын салынған болуы керек.
Қосымша ақпаратты Сауд Арабиясы Денсаулық сақтау министрлігінің ресми сайтынан таба аласыз.
Бұған дейін Алматы полициясы қажылыққа қатысты алаяқтық жасады деген күдікпен ер адамды ұстағаны хабарланған болатын. Белгілі болғандай, өзін туристік фирманың басшысы ретінде көрсетіп, қажыларды Меккеге жіберу бойынша қызмет көрсету бойынша жалған келісім-шарттар жасаған Алматы облысының тұрғыны ұсталды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
