Атырау облысында өткен жылы есірткіні жарнамалайтын 100-ден астам граффити жойылды
Атырау облысы полиция департаменті есірткі қылмысына қарсы іс-қимыл басқармасы қаладағы граффити мәселесіне қатысты рейдтік іс-шара жүргізді.
Фото: pixabay
15:22 05.02.2025
Бұл іс-шараның негізгі мақсаты — заңсыз граффити мен басқа да кескіндемелерді жою арқылы қоғамдық орындардың көрінісін жақсарту және қылмыстық әрекеттердің алдын алу болып саналады.
2024 жылы бірлескен іс-шаралар нәтижесінде есірткіні жарнамалайтын 100-ден аса граффити жойылды.
Айта кету керек, Қазақстанда есірткі құралдарын, психотроптық заттарды, сол тектестерді насихаттағаны және заңсыз жарнамалағаны үшін Қылмыстық кодекстің 299-1 бабы бойынша қылмыстық жауапкершілік көзделген. Осы ретте, полицейлер есірткі заттарының граффити жарнамасына куә болған адамдардан 30-59-59 телефоны арқылы анонимді түрде хабарласуын сұрайды.
Дереккөз: zakon.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
