Мемлекет басшысы мемлекеттік сатып алу, көлік және пошта мәселелеріне қатысты заңға қол қойды
Мемлекет басшысы «Қазақстан Республикасының кейбір заңнамалық актілеріне байланыс қызметтерін көрсету, мемлекеттік сатып алу, көлік және пошта мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды.
Фото: Коллаж: Kazinform/ Freepik
20:24 10.02.2025
Бұл туралы Ақорданың баспасөз қызметі хабарлады.
Заң пошта операторларының мүмкіндіктерін кеңейтуді көздейді. Оның ішінде пин-код арқылы растау жолымен үшінші тұлғаларға пошта жөнелтілімін беру және заң талаптарына сәйкес дәрі-дәрмектер мен медициналық бұйымдарды тасымалдау мен сақтау құқықтары қамтылған. Заң арқылы почтоматтарды орналастыру тәртібі де нақтыланады және «пошта жәшігі» деген ұғым алынып тасталады. Әлеуметтік көмек құралдарын мақсатсыз пайдалануды азайтуға және олардың қадағалануын қамтамасыз етуге «әлеуметтік әмиян» ықпал етеді. Сондықтан заңға осы бағыттағы норма да енгізілді.
Заңның мәтіні баспасөзде жарияланады.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
