"Мемлекеттік бағдарламамен үй алып беремін": 4 бірдей тұрғынды алдаған күдікті ұсталды
Кентауда төрт бірдей тұрғынды алдаған күдікті ұсталды.
Фото: freepik
15:04 11.02.2025
Түркістан облысы Кентау қаласының полиция бөлімінің қызметкерлері алаяқтық жасады деген күдікпен 24 жастағы ер адамды ұстады. Белгілі болғандай, ер адам қаладан пәтер алмақ болған жәбірленуші әйелді алдап кеткен. Жәбірленушімен танысқан күдікті қаладан мемлекеттік бағдарламамен үй алуға көмектесетінін айтқан.
Қызметі үшін ол алдын ала 500 мың теңге ақшасын алып, кейін онымен байланысын үзген. Тәртіп сақшылары тексеру барысында күдіктінің дәл осылай алаяқтықтың 3 жайтына қатысы бар екенін анықтады. Келтірілген шығын көлемі 1,5 миллион теңге. Қазіргі таңда күдіктінің ісі сотқа өтті.
Дереккөз: zakon.kz
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
