СҚО-да қатты жел мен көктайғаққа байланысты ескерту жарияланды
Солтүстік Қазақстан облысында республикалық маңызы бар жолдың бірнеше учаскесі жабылып, полицейлер тұрғындарды ескертіп жатыр.
Фото: Агибай Аяпбергенов / Kazinform
12:52 14.03.2025
Ауа райының нашарлауына, екпінді жел және көктайғаққа байланысты республикалық «Петропавл-Жезқазған» автожолында жеті учаскеде көлік қозғалысына шектеу қойылды.
— Ауа райының күрт нашарлауына байланысты елді мекендерден алысқа ұзап шықпауларыңызды, жолда ара қашықтықты қатаң сақтауды және жылдамдықты асырмай, жолдарда өте сақ болуды сұраймыз, — дейді СҚО ПД патрульдік полиция батальоны командирінің орынбасары Сабыржан Оспанов.
Тәртіп сақшылары жолға шығарда ауа райы болжамы мен SMS хабарламаларға назар аударып, мән беру қажеттігін ескертеді.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
